ក្រុមហ៊ុន SCE និងដៃគូវិទ្យាស្ថាន Greenlining Institute បង្កើតដំណោះស្រាយផ្តោតលើសហគមន៍ សម្រាប់គុណភាពខ្យល់ អាកាសធាតុ

June 27, 2017

លេខទំនាក់ទំនងផ្នែកប្រព័ន្ធផ្សព្វផ្សាយ៖ Sarah Bryce, (424) 362-9462
Bruce Mirken, ផ្នែកទំនាក់ទំនងប្រព័ន្ធផ្សព្វផ្សាយ វិទ្យាស្ថាន​ Greenlining​​ (415) 846-7758

ROSEMEAD, Calif., ថ្ងៃទី 27 មិថុនា 2017 —Southern California Edison ដែលជាក្រុមហ៊ុនឈាន​មុខគេ​ នៅ​ក្នុងការ​បំ​ប្លែងវិស័យថាមពល ថ្ងៃនេះបានធ្វើ​ការប្រកាស​នូវ​ភាព​ជាដៃ​គូរជាមួយវិទ្យាស្ថាន The Greenlining Institute ដែលជាក្រុមតស៊ូមតិ​​ និងក្រុមអ្នកគោលនយោបាយ​ឈានមុខគេ ​នៃរដ្ឋកាលីហ្វ័រ​ញ៉ាដែល​ ធ្វើការងារលើ​​សម​ភាព​​បរិ​ស្ថាន និងសង្គម និងធ្វើការអភិវឌ្ឍន៍នូវដំណោះស្រាយ​នានា ដែលផ្តោតលើសហគមន៍​សម្រាប់ខ្យល់អាកាស ​និងអា​កា​ស​​ធាតុ​ដែលនាំមកនូវសុខភាពល្អ។  

ភាពជាដៃគូនេះ គឺជាជំហ៊ានដ៏ធំមួយឆ្ពោះទៅរកការចូលរួមពាក់ព័ន្ធដោយផ្ទាល់ ស្តីអំពីការមានលទ្ធភាពទទួល​បានថាមពលស្អាត គុណភាពខ្យល់ និងបញ្ហាបម្រែ   បម្រួល​អាកាស​​​ធាតុ ​នៅក្នុងរដ្ឋ​កាលីហ្វ័រញ៉ា​ភាគខាងត្បូង។ វិទ្យា​ស្ថាន Greenlining នឹងសម្របសម្រួលនូវកិច្ចសន្ទនាសហការរវាងក្រុមហ៊ុន SCE និងអង្គការនានាដែលធ្វើការ​នៅតាមបណ្ដាសហគម​ន៍ ដែលមាន​ប្រាក់ចំណូលទាប​ដែលត្រូវទទួលរងប៉ះពាល់ដោយឡែកពីគ្នា ដោយសារធាតុពុល​បញ្ចេញទៅ​ក្នុង​ខ្យល់​ និងឥទ្ធិពលបរិ​ស្ថានដទៃទៀត។

ដោយធ្វើការរួមទាំងអស់គ្នា ភាគីទាំងអស់អាចបង្កើតបានយ៉ាងផ្ចិតផ្ចង់ និងជួយជ្រោមជ្រែងគោលនយោបាយ និងកម្មវិធី​រដ្ឋ​​ និងតំបន់ដើម្បីធ្វើឲ្យគុណភាពខ្យល់ប្រសើរឡើង​សម្រាប់សហគមន៍ ​ដែលមិនមានតំណាង​គ្រប់​គ្រាន់ និងនាំមកនូវការវិនិយោគបច្ចេកវិជ្ជាថាមពលស្អាត ការងារ “បៃតង” និងការបណ្តុះបណ្តាលការងារដល់ពួកគេ។

“ខ្យល់អាកាស និងអាកាសធាតុដែលនាំមកនូវសុខភាពល្អ មានទំនាក់ទំនងទៅវិញទៅមកជាមួយគ្នា ហើយដើម្បីធ្វើឲ្យប្រសើរដល់គុណ​ភាពខ្យល់ក្នុងតំបន់ និងដើម្បីបំពេញឲ្យបានទៅតាម​គោលដៅ​ផ្នែកឧស្ម័នផ្ទះកញ្ចក់ឆ្នាំ 2030 របស់រដ្ឋ វាជាការសំ​ខាន់ដែលពលរដ្ឋនៃរដ្ឋកាលីហ្វ័រញ៉ាគ្រប់រូប មិនថាតំបន់ភូមិស្ថានរស់នៅ ឬមានប្រាក់ចំណូលយ៉ាងណានោះឡើយ មានឱកាស​ចូល​រួម និងទទួលបាន​អត្ថប្រយោជន៍​​ អំពីបដិវត្តន៍​ថាមពល​ស្អាត នេះជាប្រសាសន៍របស់ប្រធានក្រុមហ៊ុន SCE លោក Ron Nichols។ ប្រការទាំងអស់នេះ រួមបញ្ចូលទាំងការអនុម័តនូវយានយន្តអគ្គីសនី ប្រសិទ្ធិភាពថាម​ពល ថាមពលដែលអាចប្រើប្រាស់ឡើងវិញដែល​ត្រូវបាន​ចែកចាយ និងការបណ្តុះបណ្តាលការងារសម្រាប់ការងារថាមពលស្អាត។ ការ​ចាប់​ដៃ​គូរជាមួយវិទ្យាស្ថាន Greenlining Institute គឺជាវិធីមួយនៃវិធីជាច្រើន ដែលយើងកំពុងតែស្តាប់អតិថិជន អំពីវិធីប្រសើរបំ​ផុត ​ក្នុង​ការ​នាំយកបច្ចេកវិជ្ជាថាមពលស្អាតមកឲ្យគ្រប់គ្នា

លោក Orson Aguilar ដែលជាប្រធាននៃវិទ្យាស្ថាន The Greenlining Institute បានមានប្រសាសន៍ថា ការចាប់ដៃ​គូជាមួយក្រុមហ៊ុន SCE —  ដើម្បីបាញ់ភ្លើងបញ្ចាំងបំភ្លឺពន្លេច​ ទៅលើ​ឧបសគ្គ​ចំពោះការអនុវត្តន៍​ប្រកាន់យក​ជា​សុះ​សាយ​ជា​​ទូទៅ ​នូវយានយន្តអគ្គីសនី និង​ដើម្បីសម្លឹងទៅកាន់​យន្តការផ្ដល់​មូលនិធិផ្សេងៗ​គ្នាទៅដល់​សហគមន៍​ដែល​បាត់បង់ឱកាស​ទទួល​បាន​ថាមពលដែលអាចប្រើប្រាស់ឡើងវិញ​ ​ ​ មានន័យថា យើងបានជោគជ័យ​នៅក្នុង​ការ​នាំយកបញ្ហាសម​ភាព     ​បរិស្ថានទៅកាន់ទំនោរនិន្នាការទូទៅ ហើយទាំងអស់គ្នា​យើងអាចធ្វើការ​ចុះឡើង ទៅមក​​លើ​ខ្សែសង្វាក់ថាមពល ​ដើម្បី​បង្កើតបានយ៉ាងផ្ចិតផ្ចង់កម្មវិធី និងគោលនយោបាយដ៏ឆ្លាតវៃ ​ដើម្បីរំកិលបំលាស់ទីមនុស្សគ្រប់​គ្នា ​ឆ្ពោះ​ទៅមុខ

អង្គការសហគមន៍ច្រើនជាង 20 បានចូលរួមនៅក្នុងកិច្ចប្រជុំ​ អំពីការចូលរួមពាក់ព័ន្ធផ្ទាល់លើកទីមួយ នាថ្ងៃទី 8 មិថុនា ​ដែល​សហការធ្វើជាម្ចាស់ចាត់ចែងកម្មវិធីដោយក្រុមហ៊ុន SCE និងវិទ្យាស្ថាន Greenlining Institute ។ ក្រុម​កាងារ​បានពិភាក្សាអំពីចំណុចគន្លឹះ និងអត្ថប្រយោជន៍ នៃការតាក់តែងគម្រោងថាមពលពន្លឺព្រះអាទិត្យសហគមន៍ រួមមានកម្មសិទ្ធិ​ភាព​របស់​សហគមន៍ ការបណ្តុះបណ្តាលការងារ ការអប់រំ និងការផ្សព្វផ្សាយលើកកំពស់ការយល់ដឹង។

ក្រុមហ៊ុន SCE បានផ្តួចផ្តើមរួចហើយ នូវកម្មវិធីជាច្រើនដើម្បីពន្លឿនល្បឿននៃការអនុវត្តន៍ប្រើប្រាស់បច្ចេកវិជ្ជាថាមព​លស្អាត ដើម្បីកាត់បន្ថយនូវការបញ្ចេញឧស្ម័នផ្ទះកញ្ចក់ និងការបំពុល​ខ្យល់។ កាលពីខែមករាឆ្នាំមុន ក្រុមហ៊ុន SCE បានដាក់ជូនទៅកាន់គណៈកម្មការសេវាកម្ម​សាធារណៈ រដ្ឋកាលីហ្វ័រញ៉ា (CPUC) នូវផែនការដ៏ទូលំទូលាយ​សម្រាប់​ពង្រីក​មធ្យោបាយ​ដឹកជញ្ជូនដើរដោយអគ្គីសនី នៅក្នុងតំបន់សេវាកម្មរបស់ខ្លួន។ ដោយស្របគ្នាជាមួយនឹងមុខ​នាទី​រយៈពេលយូរអង្វែងរបស់ក្រុមហ៊ុន SCE នៅក្នុងការគាំទ្រជ្រោមជ្រែង​ដល់មធ្យោបាយដឹក​ជញ្ជូន​ដើរដោយ​អគ្គី​ស​នី ដើម្បីកាត់​បន្ថយការបញ្ចេញធាតុពុលកខ្វក់ទៅ​ក្នុងខ្យល់ និងកាត់​បន្ថយ​ការបញ្ចេញកាបោន ផែនការនោះមាន​គោល​បំណង​សំដៅឆ្ពោះបង្កើន​ការបញ្ចូល​ភ្លើង​អគ្គីសនី​ឡាន ឡានក្រុង ឡានទ្រុងធុនមធ្យម និងធុនធ្ងន់ និងយាន​យន្ត និង​ឩបរណ៍បរិក្ខារ​​ឧស្សាហកម្មនានាទៀត។ ក្រុមហ៊ុន SCE នាពេលថ្មីៗនេះ​ បានចាប់​ផ្តើមដំណើរការកម្មវិធីពានរង្វាន់ឥន្ធនៈស្អាត ដែលផ្តល់​នូវប្រាក់បង្វិល​ត្រលប់​មកវិញជា​សាច់ប្រាក់សុទ្ធចំនួន $450 ទៅដល់អតិថិជនក្រុមហ៊ុន SCE ដែលទិញយានយន្ត​អគ្គី​សនី (EV) ថ្មី ឬដែល​​ត្រូវបានកាន់កាប់ជាកម្មសិទ្ធិពី​មុនរួច​មក​ហើយ។

ក្រុមហ៊ុន SCE ក៏ធ្វើការផងដែរ ដើម្បីពន្លឿនល្បឿន លើការអនុវត្តន៍ប្រើប្រាស់​ប្រសិទ្ធិភាព​ថាមពល​ និងថាមពល​ដែលអាចប្រើឡើងវិញដោយផ្តល់នូវកម្មវិធី ដែលត្រូវបាន CPUC ផ្តល់សិទ្ធិ​អនុញ្ញាតទៅដល់អតិថិជនដែលមានលក្ខណៈ​សម្បត្តិគ្រប់គ្រាន់តាមប្រាក់ចំណូល គឺកម្មវិធីថាមពលពន្លឺព្រះអាទិត្យសម្រាប់ទីលំនៅដែលមានតម្លៃសមរម្យ (SASH) ថាមពលពន្លឺព្រះ​អាទិត្យសម្រាប់ទីលំនៅ​ពហុគ្រួសា​រ (MASH) និង កម្មវិធីជំនួយសន្សំថាមពល ដែលជួយក្រុមគ្រួសារដែលមានលក្ខណៈសម្បត្តិគ្រប់គ្រាន់ តាមប្រាក់​ចំណូលឲ្យសំចៃថាមពល និងកាត់​បន្ថយតម្លៃអគ្គីសនីរបស់ពួកគេ។

អំពីក្រុមហ៊ុន Southern California Edison

ក្រុមហ៊ុន Edison International (NYSE:EIX) ក្រុមហ៊ុន Southern California Edison គឺជាសេវា​កម្មសាធារណៈមួយ ក្នុងចំណោម​សេវាកម្មសាធារណៈអគ្គី  សនីធំបំផុតក្នុងប្រទេស ដែលបម្រើការជូនដល់ប្រជាជន​ចំនួន​ប្រហែល 15 លាននាក់ តាមរយៈគណនីអតិថិជនចំនួន 5 លានគណនី នៅក្នុងតំបន់ផ្តល់សេវាកម្មទំហំ 50,000 ម៉ាយល៍​ការេ នៅក្នុងរដ្ឋកាលីហ្វ័រញ៉ាភាគ​កណ្តាល ជាប់មាត់ឆ្នេរ និងភាគខាងត្បូង។ 

 

###

 

 

Topics: Environment