អ្នក ឬនរណាម្នាក់ដែលអ្នកស្គាល់អាចមានសិទ្ធិទទួលបាននូវការដាក់ជំនួសដោយឥតគិតថ្លៃ នៃប្រព័ន្ធម៉ាស៊ីនត្រជាក់ ភ្លើងបំភ្លឺ ទូទឹកកកសន្សំសំចៃថាមពល ឬសេវាសន្សំថាមពលផ្សេងៗ ដែលអាចជួយសន្សំប្រាក់លើវិក្កយបត្រអគ្គិសនី ទៅលើ ក្រុមហ៊ុន Southern California Edison របស់អ្នក។
តាមរយៈ កម្មវិធីជំនួយសន្សំថាមពល អតិថិជនដែលមានប្រាក់ចំណូលអាចមានសិទ្ធិទទួលបាន អាចនឹងទទួលបាននូវឧបករណ៍ដោយឥតគិតថ្លៃ និងការដាក់ដំឡើងដោយឥតគិតប្រាក់។ អតិថិជនទាំងអស់ អាចមានសិទ្ធិដោយផ្អែកលើការចូលរួមនាពេលបច្ចុប្បន្ន នៅក្នុងកម្មវិធីជំនួយសាធារណៈដែលអាចមានសិទ្ធិទទួលបាន ឬផ្អែកលើប្រាក់ចំណូលគ្រួសាររបស់ពួកគេ។
កាលពីឆ្នាំមុន មានគ្រួសារ SCE ជាង 74,000 គ្រួសារ បានចូលរួមក្នុងកម្មវិធីជំនួយសន្សំថាមពល ដែលសន្សំបានជាង 27 លានគីឡូវ៉ាត់ម៉ោង និងកាត់បន្ថយតម្រូវការ បានត្រឹម 4,443 គីឡូវ៉ាត់។
លោក Mark Wallenrod នាយកផ្នែកប្រតិបត្តិកម្មវិធី នៃក្រុមហ៊ុន SCE បានមានប្រសាសន៍ថា៖ “SCE ផ្តល់ជូន កម្មវិធីបញ្ចុះអត្រាថ្លៃអគ្គិសនីកម្មវិធីសន្សំថាមពល និងកម្មវិធីជំនួយផ្សេងទៀត សម្រាប់អតិថិជន ដែលមានប្រាក់ចំណូលល្មម នៅទូទាំងតំបន់សេវារបស់យើង ដែលត្រូវការការគាំទ្រដើម្បីបំពេញតម្រូវការថាមពល។” “ដោយមានជិតមួយភាគបីនៃអតិថិជន របស់យើងដែលមានសិទ្ធិទទួលបាន យើងសូមធានាថា គ្រួសារជាច្រើនដែលមានសិទ្ធិទទួលបានចូលរួម និងទាញយកអត្ថប្រយោជន៍ពីកម្មវិធីឥតគិតថ្លៃទាំងនេះ ដើម្បីជួយកាត់បន្ថយការចំណាយថាមពលរបស់ពួកគេ។”
ដោយផ្អែកលើតំបន់លំនៅដ្ឋានរបស់អតិថិជន ផលិតផលសន្សំថាមពល ឥតគិតថ្លៃ និងសេវាសន្សំថាមពល ដែលបានផ្តល់ជូនដោយកម្មវិធីជំនួយសន្សំថាមពលរួមមានដូចជា៖
- ទូទឹកកក
- ម៉ាស៊ីនត្រជាក់រួម ឬក្នុងបន្ទប់
- ម៉ាស៊ីនត្រជាក់ចំហាយទឹក
- ម៉ាស៊ីនបូមទឹកអាង
- ភ្លើងបំភ្លឺសន្សំថាមពល
- បន្ទះថាមពលស្មាត (ជួយសន្សំថាមពល)
- សេវាសន្សំថាមពលបំលាស់ប្តូរតាមអាកាសធាតុ
អតិថិជនអាចស្វែងយល់បន្ថែមអំពីកម្មវិធីជំនួយសន្សំថាមពល និងកម្មវិធីជំនួយផ្សេងទៀត នៅលើគេហទំព័រ sce.com/billhelp ឬហៅទូរស័ព្ទទៅលេខ៖ 1-800-736-4777។
